Os orixes desta tipografía datan do ano 1495. A imprenta de Aldus Manutius, en Venecia, utilizou esta romana deseñada por Francesco Griffo para imprimir “De Aetna”, libro de Pietro Bembo onde conta a súa visita ao Monte Etna. A Bembo está considerada como unha das primeiras tipografías antigas aparecidas xunto coa Garamond, e a súa importancia foi tan grande que o desenvolvemento da tipografía sería impensable sen ela. En 1929, a Monotype Corporation en Londres utilizou esta romana como modelo para un proxecto de Stanley Morison que daría como resultado a Bembo. Fixo algúns cambios ás formas do século XV. Modificou o “G” maiúsculo e na versión itálica, en vez de utilizar a orixinal que Aldus Manutius tiña en mente, escolleu unha sacada dun libro escrito en 1524 por Giovanni Tagliente en Venecia. As maiúsculas itálicas están baseadas en formas romanas. A Bembo é unha tipografía que a pesar do seu estilo antigo ou old style, posúe unha alta lexibilidade grazas ás súas formas proporcionadas e serifas funcionais. A súa beleza clásica faina apropiada para infinidade de usos.

Ligazóns


Creative Commons License
Esta obra está baixo unha licenza Recoñecemento 2.5 España de Creative Commons.
Páxina web creada por Oscar Otero (oom!)