Tipografía creada en 1925 polo deseñador Morris Fuller Benton para a American Type Founders e Monotype. Este estilizado tipo posúe un deseño case xeométrico de esaxerados contrastes entre os paus grosos e os finos procedente do Art Decó norteamericano. Foi empregada nos rótulos de miles de restaurantes e bares da época converténdose nunha peza emblemática deste estilo e aínda hoxe se pode contemplar en diversas cidades por todo o mundo. Igual que todas as tipografías desa época, non é axeitada para texto senón que debe ser aplicada a tamaños grandes como titulares, rótulos ou publicidade. É habitual vela en teatros, perruquerías ou deseño de moda.


Creative Commons License
Esta obra está baixo unha licenza Recoñecemento 2.5 España de Creative Commons.
Páxina web creada por Oscar Otero (oom!)