Tipografía caligráfica forte e informal que simula a escritura con pincel. Foi creada por Robert E. Smith para a American Type Founders en 1942. A súa aparencia non resulta tan monótona coma a doutras tipografías similares grazas ós seus trazos espontáneos, unhas minúsculas enlazadas entre si e moi apertadas, e unhas maiúsculas moi potentes, deliberadamente irregulares que bailan sobre a liña base. Ao longo da súa historia tivo que competir con outros tipos de pincel similares pero aínda hoxe continúa sendo unha das preferidas polos deseñadores. É moi utilizada en traballos de exhibición como carteis, publicidade, titulares, etc.