Etiquetas: Publicidade

Tipografía creada polo deseñador de carteis Roger Excoffon, que primeiro fixo as variantes Nord e Nord Italic en 1960 para o seu uso en publicidade e carteis. Os pesos Bold e Compact foron engadidos en 1963 e a Black en 1965. En 1968 saíu a Bold Condensed e en 1969 deseñáronse as variantes Roman e Italic. Inicialmente foi publicada pola fundición francesa durante os anos 1962 a 1966. En Francia, “antique” é o termo xenérico co que se coñecen ás tipografías sen serifas. No seu momento foi lanzada como rival da Univers e Helvetica, pero cunha aparencia moito máis humanística e menos mecanizada que estas. Unha das características máis destacables é a enorme altura do “x” cuns ascendentes e descendentes moi curtos e unha gran apertura, que a provén dunha gran lexibilidade incluso en tamaños pequenos sen perder ningunha pinga de elegancia. Trátase dunha das tipografías sen serifas máis chamativas e distintivas dende a aparición da Gill Sans, polo que é moi útil en carteis ou calquera outra aplicación de gran formato aínda que tamén funciona ben como tipografía de texto.


Creative Commons License
Esta obra está baixo unha licenza Recoñecemento 2.5 España de Creative Commons.
Páxina web creada por Oscar Otero (oom!)