Valoración: 3.13 (143 votos)

En 1955 o tipógrafo alemán Hans Mardersteig (que en 1937 italianizara o seu nome cambiándoo polo de Giovanni) concibiría esta fermosa tipografía en colaboración co punzonista francés Charles Malin. Pacioli realizaría unha versión para titulares baseada en letras capitulares. A primeira vez que se empregou foi para a edición do “Trattatello in aude di Dante” de Boccacio, título de onde recibe o seu nome. Aínda que nun principio foi creada para uso privado, en 1957, e por suxerencia de Stanley Morison, foi adaptada para a composición mecánica por John Dreyfus para Monotype debido á enorme calidade que posuía. Ron Carpenter redeseñouna en 1993 adaptándoa ao medio dixital. Esta nova versión, libre de calquera restricción imposta pola tecnoloxía do chumbo, posúe unha aparencia elegante e fermosa, moi apropiada para textos longos como libros, revistas ou periódicos.


222 comentarios:


Creative Commons License
Esta obra está baixo unha licenza Recoñecemento 2.5 España de Creative Commons.