O estilo Toscanienne foi moi popular a finais do século XIX cunhas serifas partidas e formas robustas que acentúan o seu carácter decorativo. Os deseñadores de tipografías de madeira inspiráronse neste estilo ao ser moi axeitado para a ornamentación e o sombreado, moi común en deseños publicitarios. Zebrawood é un proxecto realizado polos deseñadores Kim Buker Chansler, Carl Crossgrove e Carol Twombly cun estilo que recorda ao salvaxe oeste. Foi deseñada para Adobe en 1994 baseándose nas letras dun catálogo da Wells and Webb Type Company do ano 1854. Grazas á súa aparencia, metade sólida e metade oca, cunha gradación realizada por puntos e unha sombra que lle outorga tridimensionalidade, foi moi empregada nos carteis e anuncios do Circo. Trátase dunha tipografía das chamadas “multicolor” ou “cromática”, caracterizadas por posuír un coidadoso sistema de rexistro que ao sobreimprimir dúas veces cada letra en distintas cores produce unha aparencia máis ostentosa. Así, a versión Fill serviría de recheo para a Regular.


Creative Commons License
Esta obra está baixo unha licenza Recoñecemento 2.5 España de Creative Commons.
Páxina web creada por Oscar Otero (oom!)