Creada polo equipo de deseño da fundición Monotype en 1995, está baseada nunha tipografía máis condensada aínda chamada Schmalfette Grotesk, deseñada por Walter Haettenschweiler e que foi moi popular da década de 1960. Esta foi vista por primeira vez nun espléndido libro chamado “Lettera” de Walter Haettenschweiler e Armin Haab. A Schmalfette Grotesk (“schmalfette” significa “negriña condensada” en alemán e “grotesk” indica a ausencia de serifas) era un alfabeto moi condensado con todas as letras maiúsculas y que foi inmediatamente adoptado polos deseñadores da revista “Paris Match” para empregar en titulares. Debido á popularidade dese estilo, pronto comezaron a aparecer outras tipografías extracondensadas e con gran peso como a Helvética imitando á Schmalfette orixinal. Photoscript fixo unha versión con minúsculas e máis tarde sacaron outra versión menos condensada chamada Haettenschweiler Extended en tributo ao deseñador orixinal. Debido ó seu peso e aos finos espazos internos, débese empregar en tamaños grandes como titulares ou carteis.