Esta tipografía, orixinalmente chamada Bíblica, foi encargada no século XV pola German Bible Society en ocasión da primeira tradución da Biblia patrocinada polas autoridades das igrexas católicas e protestantes alemás. Como as biblias precisaban dunha tipografía que acollera moito texto nun reducido espazo, o deseño resultou ser moi lexible a tamaños pequenos e moi económico en canto a requisitos de espazo. Kurt Weidemann, coa axuda do seu colega Kurt Strecker modificou a tipografía orixinal creando unha familia enteira de pesos e estilos. Baseou o seu deseño nas tipografías venecianas polas súas serifas, contraste de movementos e formas dos seus caracteres que satisfixeron as súas necesidades de beleza e lexibilidade. En 1983, a International Typeface Corporation cambioulle o nome a ITC Weidemann.