Deseñada por Gary Munch en 2004, foi un encargo de Microsoft para formar parte do novo paquete tipográfico que ven co sistema operativo Windows Vista e a suite Office 2007. Trátase dunha tipografía sen serifa de estilo humanista cun certo toque informal. Os seus trazos teñen un grosor irregular, sendo máis anchos nos extremos e as súas formas abertas e a gran altura do “x” manteñen a lexibilidade baixo unha aparencia amigable e desenfadada sen resultar intrusiva. Foi optimizada para usar baixo ClearType, o sistema de suavizado de texto en pantalla de Microsoft. A pesar de todo, non resulta tan apropiada a tamaños pequenos perdendo moitas das súas características.

Ligazóns

• ClearType Font Collection
  http://www.microsoft.com/typography/ClearTypeFonts.mspx
  Exemplo e descargas das tipografías que Microsoft sacou co sistema operativo Windows Vista e Office 2007 e que aproveitan a tecnoloxía de renderizado ClearType. (Inglés)