Tipografía especial para titulares creada a principios de 2004 polo deseñador chileno Juan Pablo de Gregorio. A súa intención era a de provocar un golpe visual co seu gran grosor, acompañando expresivamente a outros tipos de texto tamén creados por el como por exemplo a Chúcara. A idea base era buscar a maneira de encher a zona de titulares con cor, co fin de crear un ambiente propicio para a lectura. As súas formas rectas e xeométricas permiten que se poidan modificar facilmente os seus puntos podendo crear combinacións de letras personalizadas. Posúe unha versión contorneada (inline) como alternativa que tamén resulta moi fácil de personalizar. Ademais trátase dunha tipografía gratuíta que se pode conseguir poñéndose en contacto co seu autor por email ou deixando un comentario no seu blog.