Valoración: 3.15 (260 votos)

Brillante tipografía deseñada para pantaia cunha personalidade tipográfica fora de toda dúbida. Foi creada por Matthew Carter en 1996 e un ano máis tarde sacou unha versión estendida. As versións sucesivas foron engadíndolle novos caracteres para as linguas europeas, escrituras gregas e cirílicas. A dificultade de crear un tipo con serifas para pantaia foi salvada cunha tipografía impresionante, de gran lexibilidade a tamaños pequenos sen perder en ningún momento o seu encanto e carácter. A altas resolucións, a Georgia é esencialmente unha Didot cunha forma moi parecida ás romanas escocesas. O propio Matthew Carter recoñeceu a influencia de Richard Austin, cortador de tipos romanos escoceses do século XIX, e que el sempre admirou. Cando comezou o deseño de Georgia, estivera traballando nunha nova familia chamada Miller, versión destas romanas. A influencia do modelo escocés recoñécese nas serifas superiores horizontais de letras coma o “b” ou o “h”. Aínda así, tivo que facer varias modificacións para que a tipografía fora lexible en pantaia como alixeirar as maiúsculas ou aumentar a altura do “x”. O peso da versión Bold foi coidadosamente elaborado para asegurarse de que sempre sexa máis pesada que a versión Regular.

Ligazóns


664 comentarios:

Daniel

muy buena tipografia, recomendable, fina y legible,
pd:en denante cometi un error, agrege un texto nada que ver al que estaba en esta pag, bueno no esta más decir que lo siento, pido disculpas, no lo hice aproposito y no sabia que este blog se podia modificar, pero lo arregle, espero que haya dejado todo bien, lo siento, pido disculpas


Creative Commons License
Esta obra está baixo unha licenza Recoñecemento 2.5 España de Creative Commons.