Unha das tipografías máis coñecidas do mundo, a Courier foi creada por Howard G. Kettler en 1955 para IBM. Estaba destinada a máquinas de escribir polo que os seus caracteres ocupan todos o mesmo ancho. Debido a iso, as liñas compostas en Courier non son homoxéneas xa que por exemplo, o “m” está forzado a coller no mesmo espazo que o “i”. Aínda que as máquinas de escribir xa practicamente desapareceron e a necesidade desta tipografía tamén, as súas imperfeccións seguen sendo apreciadas no mundo do deseño sendo empregada en publicidade. Adrian Frutiger redebuxouna posteriormente para a serie IBM Selectric creando a Courier New. Foi engadida no paquete de fontes TrueType de Microsoft para ser empregada en web. Hoxe en día ven de serie tanto en computadores Macintosh como en Windows.

Ligazóns


Creative Commons License
Esta obra está baixo unha licenza Recoñecemento 2.5 España de Creative Commons.
Páxina web creada por Oscar Otero (oom!)