A primeira Century foi creada en 1984 por Linn Boyd Benton xunto con T. L. De Vinne para a revista “Century Magazine” substituíndo á anterior tipografía, moi pouco adecuada. Esta letra, cun estilo tipicamente renacentista foi seguida en 1900 pola Century Expanded e posteriormente fixéronse moitas outras versións distintas. Foi Morris Fuller Benton quen fixo esta, entre 1918 e 1921 cando Ginn & Company, dedicados a publicar libros de texto, contratou á American Type Founders para deseñar unha tipografía apropiada. Para iso, Morris buscou a máxima lexibilidade creando un tipo estreito, robusto, con pouco contraste e máis pesado en aparencia que moitas outras tipografías similares. Converteuse nun alfabeto moi empregado en libros de texto, aprendendo a ler con ela moitos nenos e incluso se pode atopar hoxe en día nalgúns libros de educación primaria.


Creative Commons License
Esta obra está baixo unha licenza Recoñecemento 2.5 España de Creative Commons.
Páxina web creada por Oscar Otero (oom!)